NSCN (R) VP, Akato Chophi-i Kheshepu asüba mangyimer

Dimapur, Rongchii/April 01 (TYO): Vice-President NSCN (Reformation), Inno Akato Chophi-i Ex-MLA/Parliamentary Secretary Inno Khekaho Assumi tebu, Kheshepu Assumi asüba atema jashia mangyimba lemsatepogo, ta tanü MIP, NSCN/GPRN (Reformation) sangdong ka nung metetdaktsü.
“Khekaho tebu, asür Kheshepu ya Naga nunger senso tajung ka liasü aser loktiliba ajungkettsü atema tenzüker tajung ka liasü. Pai akümli junga liogo aser pai yimtenren lenirtem, Engineers, yimsüsürtem aser Public lenir tajung aika adokdaktsüogo. Pai inyakba mapa tajungtemji teti bilemtettsü aser par chirnur aser semchisemnurtemi maneni benshitsü,” ta sangdong nung shia lir.
“Tsüngrem tajungsangi pa tanela tesünep nung anisüngzükdakjang aser iba ama mangyim nung par kibong züngsemtem aser medemertem nem tesünep agüjang ta sarasademtsür,” ta sangdong nungsa shia lir.