Mokokchung Deputy Commissioner-i sangdonger

Dimapur, Rongchii/April 2 (TYO): Mokokchung DC aser Assistant Returning Officer, Rajesh Soundararajan, IAS-i, People Act, 1951 kübok section 126 dak ajemdaker April 9, 2019 nü 4:00 ako nung nüboyimba sentong tembangtsü aser April 11, 2019 nü 4:00 tashi iba tetuyuba benoka atatsü metetdaktsüogo. Iba mapang nung nüboyimba sentong kecha ayongzüka magitsü tetuyuba agütsüogo.
Iba sention kübok (a) election dak sendakba nung, lokti senden ayongzüka o mejembitsü mesera madentsü mesera procession kecha nunga shilem magitsü, (b) cinematography, television mesera ibala mesükba apparatus ajanga election dak sendakba nung nüburtem dang kecha mesayutsü, (c) nüburtem atsüa arutsü mechi kenteba sentong, theatrical performance mesera tanga entertainment sentong kecha mayongtsü.
Temalen shisema aliba tetuyuba sülen manidakertem nem temerenshi agütsütsü. Temerenshi rongnung küm ana tepuokdak ayutsüba mesera senchi achitsüba mesera temerenshi anaprongla yagi merenshitsü densema lir.
Anungji candidate aser political party ajak dang iba ozüng kübok anidaktsü asoshi tuyuogo. Kija aser lokti shirnokisa iba ozü aibelendir parnok nem temerenshi agütsütsü, ta ketdangser sangdong ka ajanga metetdaktsü.