New Delhi, April 03 (Agencies): UPA Chairperson, Sonia Gandhi den toktepdaktsütsü atema tanü BJP-i taoba mapang Congress lenir, Dinesh Pratap Singh tenüng sangdongogo.
BJP-isa Mumbai North East menden nungi MP, Kirit Somaiya aser Uttar Pradesh nung Machhlishahr menden nungi MP, Ram Charitra Nishad na nem party ticket magütsü.
UP nung Rae Bareli menden nung Sonia Gandhi den toktepdaktsütsü atema BJP-i taoba mapang Congress lenir aser yaküm BJP nung adensang, Dinesh Pratap Singh tenüng sangdong.
BJP-isa Azamgarh menden nung taoba UP Chief Minister Akhilesh Yadav den toktepdaktsütsü atema Bhojpuri film star aser kentener, Dinesh Lal Yadav tenüng sangdong.
BJP-i Mainpuri menden nung SP lenir, Mulayam Singh Yadav den toktepdaktsütsü atema Prem Singh Shakya shim aser Firozabad menden nung SP lenir, Ram Gopal Yadav den toktepdaktsütsü atema Chandra Sen Jadun tenüng sangdongogo.
Rae Bareli nung BJP nungi Dinesh Pratap-i Sonia Gandhi den tokteptsü added by nungsang on
View all posts by nungsang →
You must be logged in to post a comment Login