Mkg Chief Medical Officer ajanga metetdaktsür

Mokokchung, April 3 (TYO): Mokokchung district kübok department ajak nung sorkar mapa inyaker Grade III aser Grade IV staff-tem tan April ita tatembang Hopta nung Medical Board Examination for Service Confirmation & Invalidation agitsü, ta Mokokchung Chief Medical officer (CMO), Dr. R. Chubala Aier-i sangdong ka nung metetdaktsüogo.
Anungji, Mokokchung district nung aliba department ajaki staff list-ji pei HoD ajanga CMO Mokokchung office nung April 20, 2019 tashi nung tongjang. District Medical Board amentsü atema anogo, tesem aser mapang tatsüka lir sangdongtsü. Proper channel ajanga list magütsürtem mereprangtsü, ta laisa metetdaktsü.