Congress-NPF telongjem senden amen

Kohima, Rongchii/April 03 (TYO): Onük kar nung ajemdaker Naga People’s Front (NPF)-i taruba Nagaland Lok Sabha election nung Congress Party yaritsü melungba dak sendakba nung April 2, 2019 nü Congress Bhavan, Kohima nung Kohima District Congress Committee (KDCC) aser NPF Kohima Division na telongjem senden ka menogo, ta tanü Kohima District Congress Committee Press Secretary, Yangertemjen-i sangdong ka nung metetdaktsü.
KDCC Tir, Kevi Vizo aser NPF Kohima Division Tir, Gonei Sirie na leniba nung lenirtem amenba telongjem senden nung linük nung secular kümzüka ayutsü, talisa Citizenship Amendment Bill (CAB) 2016 anema party ana longjemba dak sendakba nung o lemtepa liasü; CAB ya Parliament nung agizükra iba bill ajanga North East nüburtem kongshitsü, ta kasa sangdong nung shia lir.
Party anaprong nungi lenirtemi taruba election nung longjemer communal forces anema raratsü aser NDPP-BJP candidate tamakok ngudaktsütsü atema bangjem, ta sangdong nung shia lir.
KDCC-isa NPF lenirtemi shisa kaa Congress candidate, K L Chishi yaritsü atema lemtetba atema pelar, ta parnokisa metetdaktsü.