MCC alema inyakba atema Chishi-i tatok meshi

Kohima, April 04 (TYO): Indian National Congress lenir, K.L. Chishi-i Model Code of Conduct (MCC) alema inyakba atema tanü Commissioner & Returning Officer, Nagaland, M. Patton dang tatok meshiogo, ta ketdangsertem osang ka ajanga metetdaktsü.
Show cause notice atema telangzüba agütsüdang, Chishi-i joko aibelen masütsü aser MCC nung aliba telatetbatem atangji nung benshitsü nangzük.
Paton-isa tim teinyaktsü atema telangzüba shidiji Nagaland CEO nem agütsüogo.