Abba teloki ken tasen ka sayatsü

Los Angeles, Rongchii/April 05 (Agencies): Kentener telok Abba nung züngsem, Bjorn Ulvaeus-i taküm küm tatemlen par teloki ken tasen ka sayatsü, ta metetdaktsü.
Sweden nungi kentener telok Abba ya küm 37 tejaklen (1981) loksa-a liasü aser tanaben longjemogo.
Iba telok nung züngsemtemji Agnetha Faltskog, Ulvaeus, Benny Andersson aser Anni-Frid Lyngstad nunger lir aser parnoki tatemsabuba ken sayabaji 1981 küm liasü.
Denmark nunger Ekstra Bladet tabloid den interview agidang Ulvaeus-i, taküm September mesüra October ita nung parnok ken tasen ka sayatsü, ta metetdaktsü.
Pai ashiba agi, telok züngsemtem den video ka yanglutsü atema mapang talangka agir, yamaji mapang talangka agiogo.
1974 Eurovision Song Contest nung ‘Waterloo’ ken ajanga Abba teloki iba takok ngua liasü aser 1970s mapang nungi tenzüka parnoki atenba ken aika nüngtugu aküm.
Item ken rongnung Dancing Queen, Super Trouper, Fernando, Gimme Gimme Gimme, Thank your for the music, Does your mother know, Take a chance on me, The winner takes it all, Mama Mia, Knowing you knowing me aser Under Attack densema ken aika nüngtugu aküm.
Iba sülen 1982 küm Abba telok laoksa-a liasü.
Yaküm parnoki, Abba-i ken tasen ana — “I still have faith in you” aser “Don’t shut me down” na record süogo, ta sangdonga liasü.