Meghalaya Minister AL Hek nem show-cause notice agütsü

Shillong, April 5 (Agencies): West Jaintia Hills nung District Election Officer-i health minister, AL Hek nem show-cause notice ka agütsü.
Election atema nüboyimba maparen nung sorkar meyong gari amshiba atema show-cause notice ji agütsü. Iba ya ‘Model Code of Conduct’ anema lir.
Sector officer aser police-i bushisüngdang asüba osang agütsüba sülen DEO Jowai-i Hek nem show-cause notice ji agütsü, ta Meghalaya Chief Election Officer, FR Kharkongor-i osang jangjashitsü.
Bodbarnü West Jaintia Hills nung Shillong Parliamentary menden atema BJP candidate Sanbor Shullai atema nüboyimba mapa nung Health and Family Welfare Minister Hek-i sorkar gari amshi ta tai tonglokja lir,
Iba onük benokba sülen CEO-i bushisüngdang asütsü tetuyuba ka agütsü aser iba osangji tanü angu.
Hek-i sorkar gari nungi kimai aludang agiba noksatem social media nung prokshi.