Ao oshi nung shisa tokden akar

Tesayur          :        Tesenteper ajak pelaa agizüker. Sentongji tenzüka odi, Ao oshi nung mangatetba lira asüngdangangma.

Moaba            :        Sir, “Longpang melangtep ama” ya kechi tetezü ar na?

Tesayur          :        Aji kodang longpang nung melangtepdir, kati khen nenkettsü, kati khen nenkettsü ta asüba ya ati, oda na, political nunga Ministerba khen aruli, MLA ba khen aruli ta asüba amai ati.

Toshiba          :        Sir, “Auo ajem Auo ajem” ta sa jembiba ya kechiar na?

Tesayur          :        English nung “Partners in crime” ta asüba amai Ao o nunga Auo ajem tetezüji oda Government nung süli mesüra NGO, aser arogo lokti balala nung tenzükertemi nisung ana asem pangjemer lokti sen “adjust” süa achiba dang “Auo ajem” ta ajatsü akok ati.

Temjenba               :  Sir, ano “Tejung majet” ta sa jembiba ya koda?

Tesayur          :        Ibaji ano “Ara marem” taka jembir. Iba anaprongla tetezüji pei nem lemzuktsuba mapa tatem tashi meinyaki doktsür oadokba, tang Nagaland nungbo MLA temi opposition nung khenyongi melinüba/melitetba amaya ati. Kwa, Alokbabo kecha masüngdangerna?

Alokba            :        Kecha masüngdangli ahako oda ka asüngdangdi, “Pungmang nung züngi lanu amshi ama” ta ya kechi tetezü ar na,sir.

Tesayur          :        Mataloktsü mapa kar ataloktsü ama bilema, sümanga aodang asangsang nungbo tamakoktsüa ta meteta aruba ati.

Alokba            :        Aji shitaka sir, nia tan aruyaa aliba election nungbo candidate pezü dak nungi terarabosa amozükja ta aliba timbaka withdraw asürji amajok nung sümanga aoba dang asüa no!

Tesayur          :        Oh Alokba!

Lilir : WhatsApp