ASTD-i Hekevi Achumi mang ayimer

Dimapur, Rongchii/April 8 (TYO): Ao Senso Telongjem Dimapur (ASTD)-i Hekevi Achumi Dimapur nung April 7 nü asüba mang ayimer. Pa ya lokti asoshi bendanga agütsüba aser lenirtem rongnung yimyakoya tetangshi aser kanga nendaka inyakba lenir ka liasü.
Pa taküm alidang lokti nung tekübokba jenjang nung aliba nüburtem ajungkettsü atema pai mapa tajung inyakba ajak atema ASTD-i pa nem tenüngsang agütsür. Kasa mapang nung asür kinungertem den, iba amala mangyim tejashi mapang ka nung asükhu lemsatepba den tulusang Tsüngremi parnok nem tesunep agüjang aser asür tanüla tesunep nung anisüngzükdakjang ta sarasademtsür, ta ASTD tir L. Wati Jamir aser G/Secretary K. Mar Lemtur nati sangdong ka ajanga lemsatep.