Returning Officer-i tetuyuba agütsür

Dimapur, Rongchii/April 8 (TYO): Sub- Divisional Officer (Civil) & Returning Officer 26 Aonglenden (ST) Assembly constituency, Mokokchung, Abhinav Shivam IAS-i sangdong ka ajanga Representation of People Act, 1951, Section 126 kübok election atema nüboyimba sentong tembangtsü mapang atakzüktsür aliba mapang atongba sülen nüboyimba sentong kecha ayongzüka makatsü ta metetdaktsüogo.
Political functionaries/Party workers/Processions functionaries/Campaign functionaries amala shirnok constituency nungi masü aser shirnok vote magütsütsü parnok ajak nüboyimba sentong tembangba sülen constituency toktsür aotsüla, ta tuyuogo.
Anungji nüburtem ajak dang tetuyuba agütsüba tenoktenoka ayutsü aser Political functionaries/Party workers/Processions functionaries/Campaign functionaries shirnok constituency nungi masü aser vote magütsütsü, parnok ajak April 9nü 4:00 ako nungi election madem tashi constituency nung melidaktsütsü metetdaktsüogo, ta Mokokchung DPRO sangdong ka ajanga metetdaktsü.