Dimapur nung election training tatembangbuba agiogo

Dimapur, Rongchii/April 8 (TYO): Lok Sabha Election 2019 atema Dimapur District nungi polling personnel tem training tatempangbuba Don Bosco Higher Secondary School, Dimapur nung April 8 nü kaogo.
DC & DEO Dimapur Kevekha Kevin Zehol shibai training mapang class room tem semdanga liasü, pai training nung adenertem dang parnok nem lemzüktsüba mapa temulung agüja inyaktsü ajungshiba den vote agütsüba nü parnok ya state sorkar kübok inyakertem masü saka Election Commission duty nung asütsü ta ashi.
Training nung tesayuba tem tenok tenoka angatsü ajungshiba den DC-i ashiba agi, 1st Polling Officer khuret ji Presiding Officer dang nungi tajemba masü aser Presiding Officer dak langka danga atalokra 1st Polling officer-i pa khuret melenzüka abentsü.
Taruba Lok Sabha Election koba April 11 nü agitsü lateta lir iba atema Dimapur District nungi Polling Personnel 1400 nem training agütsüogo, ta ketdangser sangdong ka ajanga metetdaktsü.