Election atema nüboyimba mapang latettsür

Dimapur, April 8 (TYO): Poling agitsü jakdang ghonda 48 tsüngda election atema nüboyimba mapa meinyaktsüla, ta Commissioner & Returning Officer, M. Patton aser ADC (Hq) & ARO, Limanenla nati metedtaktsü.
Representation of the People’s Act 1951 nung arrla 126 aser Precertification of Political Advertisements nung lateta aliba ama iba tetuyuba agütsü.
Political party ajaki polling matongdang ghonda 48 nung ola madoktsüla. Maneni, MCMC committee nungi temelaba magii political party mesüra candidate mesüra telok shingaia polling anogo aser anogo ka jakdang press media nung advertisement(s) madoktsüla, ta ketdangsertemisa metetdaktsü.