Mon District nung Lok Sabha election asoshi apuso

Mon District nung Polling Officials (PO) tem April 9 nü nungi kinük nung aliba yimtsüngtem dangi yok tenzükogo aser tanüngba polling ketdangsertem pei tata polling station temi April 10 nü yokogo. Mon district nung voter ajak agi 1,39,179 lir aser parnok rongnung tebur 73162 aser tetsür 66017-i taküm iba Lok Sabha election nung vote agütsütsü renema lir. Polling station 237 nungi station 16 vulnerable, 31 critical aser 190 normal ta bendangtsüogo. Polling station 35 tetsür polling official temi achaayanga agitsü.