Konyak nungeri alima otsü tasen ka yanglu

Dimapur, April 10 (TYO): Largest Traditional Konyak Dance indang GUINNESS WORLD RECORDS otsü tasen ka yangluba osang kanga nümatanga metetdaktsür ta Konyak Union-i tanü sangdong ka nung ashi.
April 5, 2019 nü Mon jila nung Konyak Aoleang Festival mapang tetsür 4,687-i tsüngsangba ajanga iba otsü tasen yanglutet. Tetsürtemi Konyak sübotsü agir minute 5 ser second 2 tsüngsang, ta Konyak Union president Manlip Konyak-i ashi.
April 8, 2019 nü GUINNESS WORLD RECORDS® nungi otsü tasen yanglutetba kuliji angu. Iba otsü yangluba nung shilem agirtem, tayongertem aser temeim sayur ajak dang Konyak Union-i pelaba metetdaktsür, ta paisa shisem.