Disabilities act benoktsü akhanger

Dimapur, Rongchii/April 11 (TYO): Commissioner of People with Disabilities (PWDs) Diethono Nakhro-i ashiba agi, tasodang nungi balaka sotetertem atema maongka agütsütsü asoshi maparen shidak inyakyonga aotsüji la asoshi mezüngbuba mapa asütsü. Science College (Phezou) Polling station 8/29 nung vote agütsüba mapang DIPR den sensaksemdang Diethono-i ashiba agi, lai January ita tatemlen Commissioner mapa belenzükogo ajisüaka pa PWDs dak sendakba nung State government den küm ishika inyaka arudar. Tang tashi nung office junga amenoka maliba ajanga maparen shidak inyaka moteter anungji la asoshi mapa tongtibangtibaji office ka amenoktsüba ya asütsü, ta laisa ashi.
Diethono-isa, la iba ken o dak sendakba nung Election Department den küm ishika inyakyonga arudar, ta ashiba den tarutsü nung PWDs tem nem lenmang lapoktsütsü atema lai district ajak den sendaktepa inyaktsü ta shisem.