Dr. Shürhozelie Liezietsu-i asükhu lemsatep

Dimapur, Rongchii/April 11 (TYO): Naga People’s Front tir Dr. Shürhozelie Liezietsu-i party tenüng nung, Naga People’s Front Secretay (Central) Nokthak April 10 nü Tizit jila nung asüba osang angazüka jashiba lemsatep.
Party nung kanga tashi ita inyakba lenir ka, shibai party ajungkettsü atema pai akokba tashi bendanga agüja inyakogo, pa iba lima toktsür teti tatem makadaki aoba osang angazüka party dak sendakba aliba nüburtem ajak temulung zürepa mang ayimer, ta paisa ashi.
Iba sangdong ajanga onoki asür kibongtem den asükhu lemsateper aser tulusang Tsüngremi iba amala mangyim tejashi mapang ka nung tesunep aser anisüngzük agüjang ta sarasademtsür, ta tir-isa shisem.