Buddhist, Hindu aser Sikh nunger alaka ozüng alema arur ajak meindoktsü

New Delhi, April 11 (Agencies): BJP president Amit Shah-i West Bengal nung National Register of Citizens (NRC) mapa inyaktsü ta tanü nangzük.
Bangladesh nungi ozüng alema arurtem ya shipotem lir aser BJP-i kümsük tanaben atema sorkar akümba sülen parnok West Bengal nungi meindoktsü. Ajisüaka, Hindu aser Buddhist refugee nembo India senso agütsütsü, ta Amit Shah-i ashi.
“Ozüng alema arurtem ya shipotem ama lir. Parnoki sensaker nem agütsütsü aliba chiyungtsü chitsür, asenok mapa rakzüka bener aoer. TMC nung T ya Tushtikaran, (appeasement), M ya Mafia aser C ya Chitfunds lir” ta tanü Raiganj nung sentong ka nung jembidang BJP president-i ashi.
West Bengal nung Amit Shah-i jembiba onük atema Delhi Chief Minister Arvind Kejriwal-i ashiba agi “Pakistan aser par Prime Minister Imran Khan nungeri India ajungalen mepetmesü adoktsünür aser iba jagi Lok Sabha elections nung parnoki yimjak nung Narendra Modi yarir.”
“Pakistan-i küm 70 nung India raksatsütsü meinyatetba mapa parnok medemer Modi-i küm pungu nung inyaktetogo” ta Kejriwal-i Twitter nung metetdaktsü.