NSCN (R)-i Dinanath Chauhan mang ayimer

Dimapur, Rongchii/April 12 (TYO): NSCN (Reformation)-i MIP ajanga CFSB/CFMG mendenbuba Lt. Gen.(Retd) Shokin Chauhan tebu Lt.Col. (Retd) Dinanath Chauhan asüba osang angazüka kanga temulung zürepba lemsatepogo.
Dinanath Chauhan shiba April 11 aonung Jakhama Military Hospital nung 8:15 nung asü, pa Indian Army kübok jenjang balala nung tenzüka arur Lieutenant Colonel ka ama mapa nungi anen.
Pai tebu tajungka, teburchi aser officer ka ama par chirnur aser semchirtem asoshi tenüng tajung toktsür süogo.
NSCN (R) puri, tajungsang Tsüngremi pa tanüla tesunep nung anisüngzükdakjang ta aser iba amala mangyim jashi tia nung alidang kinunger aser medemertem nem anisüngzük aser tesunep agüjang ta sarasademtsür, ta kasa sangdong ajanga metetdaktsü.