Kohima District DDMA senden April 22 nü amentsü

Kohima, April 15 (TYO): Kohima DC aser Chairman DDMA, Anoop Khinchi, IAS-i sangdong ka ajanga District Disaster Management Authority (DDMA) Kohima züngsemtem dang, April 22, 2019 nü DPDB senden (anepdang 10:00 ako) nung tembangba sülen DDMA senden DPDB Conference Hall, Kohima nung amentsü, ta metetdaktsü.
Iba senden nung Kohima district atema District Disaster Management Plan (DDMP) update asütsü anungji tim department ajaki nüngdakba data mesüra osang renemer arua dendaktsüner, ta DC-i metetdaktsü. Paisa züngsemtem dang parnok melen tanga ketdangsertem meyoktsüla, saka ajak medema adentsüla, ta metetdaktsü.