BJP Nagaland-i Easter salem abener

Kohima, Rongchii/April 18 (TYO): BJP Nagaland President-i party züngsem ajak den Easter salem lemsateper aser State office ketdangpurtem, State Morchas (Minority maden), District office ketdangpurtem aser Mandal office ketdangpur ajak dang peipei Arogo/tesemtem nung Good Friday nung lumia sarasadem sentong ayonga amungtsü metetdaktsür, ta tanü State General Secretary, BJP Nagaland, P Kavili Achumi-i sangdong ka nung metetdaktsü.
State President-isa züngsem ajak dang asen linük nung yimjung aser azükaru alitsü atema sarasademba den külemi state nungi yimsüsüba tajung, lenir tajung aser loktiliba ajungkettsütsü atema PDA sorkar, MLA tem aser state nung yimsüsürtem atema sarasademtsütsü mepshir, ta kasa sangdong nung shia lir.
Sarasadem sentongji April 10, 2019 (Good Friday) nü anüngdang tashi agitsü.