RIMS nung nursing hostel rongtok

Imphal, Rongchii/April 18 (Agencies): Bodhbarnü Imphal anasa Lamphelpat tesem nung Regional Institute of Medical Sciences (RIMS) mi adoka hostel ka rongtokogo.
Mozüki telungtet nung aliba RIMS Nursing college indang hostel No. 2 nung mi adok aser kaketshirtem indang tongtibang kuli kakettem aika rongtokogo. Ajisüaka tasübo osangbo kecha mali.
Tenük kuli agütsürtemi ashiba agi, parnoki iba hostel nungi electric sparks adokba ola angashia liasü aser mi ya electric short circuit asüba ajanga adok asütsü ta ashi.
Manipur Fire Service nungi ketdangsertemi iba mi ghonda ana shi nungang remseptet.
Mi lendong ya anepdang 9:30 shi nung atalok. Iba mapang nung hostel nung alirtem ajak duty oadoker liasü aser hostel temeket tazüng liasü.