Tenyah Tenko Kasa

~ C. Lima Ozükum (Mongsenyimti) .

Terongtema kü mapa merenemtet
Akotena yongyima meli-i inyak
Mangah merila den tembar tajung aküm
Arem süngo den pudangtepa
Oh! kohremseta kidangi meshilang.

Min naro ngua kü mulung pela
Sangwatsüng nung tsüngdangpi akonger
Tanü poksüng ngura ojang shirurutem
Par den kü taküm asadangtsü makok
Tsüngremi yangluba nisung ni nüchi.

Atangji senmang ni kechiba lalutsü
Teyanglur sentong metemsüba mali
Akala sempet ka paibo agütsüogo
Aour-i maouyatetba ni junga metet
Kü dang aochiang Teyanglur Tsüngrem.

Koba yongsük nung kü taküm nai sükok
Kü chidem sala-a chiyungtsü meliakah
Ali rongsentem sempara ni takar ka
Yangji kü mulung sadoka menürem
Kü nüla kibuba meyong ni pelar.

Anüng yimdanga aoba ozütemji
Pentsü ozü den tenyahtenko kasa
Chuba den alar medemdangtsü makok
Kodak senmangbo tulur tilar saku dang
Tsüngremer sentong nung shiba nüngdaremtsü aka?