Medziphema nung sensitization sentong agitsü

Dimapur, Rongchii/April 22 (TYO): Town Hall Medziphema Town, Government Higher Secondary School compound nung April 30, 2019 nü anepdang 10:00 ako nungi tenzüka plastic amshiba agi tzü-mopung menentsüba den külemi temang nung timtem bener arutsüba onük nung ajemdaker Community Sensitization sentong aser anogo ka paper bag yangluba nung training agütsütsü terenemba lir. Iba sentong ya Atsi & Co den CAN YOUTH Dimapur longjema ayongzüktsü.
Iba sentong ayongzükba nükjidong ya nüburtem dang plastic amshiba ajanga tzü-mopung menentsüba aser iba denji külemi temang nung tashidak balala adokdaktsüba indang nung tekümdangtsü agütsütsü atema lir.
Kasa sensitization sentong den repsema plastic bag amshiba ajamdaktsütsü atema teshimtet tetsürtem dang paper bag yangluba yimyatem nung training agütsütsü.
Iba sensitization sentong nung schools, Arogotem, lokti lennirtem, Civil Societies, Youth organizations, Students union aser tanga sendaktepa alirtem aruagi adentsü atema sentong achaayanger-i metetdaktsü.