Mkg nung tzüngluruwa atema renemshiba senden ayonger

Mokokchung, April 22 (TYO): April 16, 2019 nü Kohima nung state Chief Secretary lenniba nung State Level Pre-Monsoon Preparedness senden amendang tuyuba ama April 25 nü Mokokchung nunga District Level Pre-Monsoon Preparedness senden ayongzükogo, ta ketdangsertem osang ka ajanga metetdaktsü.
Mokokchung nung District Level Pre-Monsoon Preparedness senden ya April 25, 2019 nikongdang 2:30 ako nungi ADC (Planning) Mokokchung indang conference hall nung amentsü aser iba senden nung tzüngluruwa mongpu atema terenemshiba aser State tesem ajaklen nübodoka inyaktsü atema jembitsü.
Iba dak sendakba nung Mokokchung Deputy Commissioner, Rajesh Soundararajan-i Mokokchung nung Office balala nung tekolakpur ajak dang iba senden nung medema adentsü metetdaktsüogo.