Manipur polling station 12 nung repoll asütsü

Imphal, April 22 (Agencies): Inner Manipur Lok Sabha constituency kübok polling station 12 nung re-poll asütsü atema Election Commission-i telemtetba agiogo.
April 18, 2019 nü LS election indang tanabuba shilem nung item polling stations nung timtem agütsü.
EC-i booth 12 nung vote agütsübaji mali kümtsüogo, ta Hombarnü Chief Electoral Officer PK Singh-i ashi.
Polling station 12 nung April 24, 2019 nü polling agishitsü, ta paisa ashi.
“Polling station kima aser telung nung webcasting aser CCTV coverage alitsü. Police department-ia security peria agütsütsü” ta Singh-isa shisem.
Manipur nung re-poll asütsüba booth 12 rongnung pungubo chief minister N Biren Singh’er constituency Heingang nung lir.
Imphal East district nung Muslim nunger teimba ser aliba Kiyamgei nunga polling station ana nung ozüng alema mapa inyakba ajanga vote agütsüba mapa meinyaktet.
Polling station ka nung nisung kari EVMs aser VVPATs raksatsü aser ka nung election agents tsüngda mepetmesü adoka raratep.
Opposition Congress-i Inner Manipur Lok Sabha menden kübok polling station aika nung re-poll asütsü atema takhangba agüja liasü.