Rs 27 lakh süpokrem meshiba atema nisung 4 apu

Madurai, April 23 (Agencies): Central Bureau of Investigation (CBI)-i National Highways Authority of India Ltd (NHAI), Madurai nung General Manager(Technical), par kinunger ka aser nija company ka nung Assistant Manager den staff ka puogo.
Parnoki sen lakh 27 süpokrem meshiba atema tai tonglokja apu.
CBI-i Gali Sridhar (NHAI, General Manager), Sudhakar Vaduppu (Assistant Manager, NSS Infrastructure), Sai Prasad (private person) aser Pawan (employee of Sri Sudhakar Vaduppu) nungertem Prevention of Corruption (Amendment) Act, 2018 aser IPC kübok tai tonglokja apu.
Tamil Nadu nung NH 7 Madurai – Kanyakumari lenmang yangluba company ka dang NHAI General Manager-i sen lakh 25 süpokrem meshi.
NHAI General Manager-i meshiba ama nija company nung inyaker kati April 21 nü sen lakh 27 ji General Manager’er kinunger ka ket nung agütsü.
Tena tsüngda sen agütsütepba mapang CBI-i apu.
Bushisüngdanga aodang CBI-isa General Manager (Technical), NHAI aser nija company nung Assistant Manager na dena apu.
Hyderabad, Kadapa aser Madurai nung CBI-i par pezü indang office aser kiojentem mita ogo.