Myanmar anentsüh nung nisung 90 asü

Yangon, Rongchii/April 23 (Agencies): Northern Myanmar tsütsü jade mine ka nung anentsüh lendong atalokdang nisung tajemba agi 90 shi asü, ta osang ka ajanga ashi.
Kachin state, Myanmar nung mining company temi indokba jana agi iba tesem ya anenbang, ta osang ajangasa shisem.
Tasürtem ya timba iba jana indokba tesem anasa alir, shirnoki jade sentilung tanük tuteta ayoktsü teimla nung item jana ya kakteta bushir. Kachin state nungi adokba jade sentilung ya alima nung tajungtiba rongnung ka ta züngshir. Hpakant nung anentsüh ya Deobarnü atalok aser yangji nisung ter dak tali samar bushir, ta osang kar ajanga ashir.
Myanmar Red Cross, mitkar, police aser yangji aliba nüburtemi timtem ajurua alirtem kümzüktsü meranga ali telung nungi nisung tutettsü meranger.
Sorkar meyong Global New Light of Myanmar osangkaket ajanga ashiba agi, asürtem ya timba anentsüh aludang mejanga orr liasü.
Kechi tai ajanga item jana ya nungzüka alua anenbangar mejangjateter. Kachin state nung iba tesem tsütsü osang ola agiteptsü kanga tasak aser lendong atalokba indang tejangja menguteti lir.
Jade sentilung atuba tesem aika tzümopung raksaa takong kümogo, kong sentsü temakrem sentilung bushirtemi ali ongken tululu tusaa bushir.