State tesem ajaklen nübodoka mapa inyaktsü atema sangdonger

Kohima, April 24 (TYO): Tawa Kohima nung tzüngluruwa atema terenemshiba senden ka amendang lemtetba ama May 4, 2019 nü state tesem ajaklen nübodoka mapa inyaktsü aliba nung ajemdaker tanü Home Department NSDMA-i, taruba tzüngluruwa mongpu atema renemshia aser alima lendong balala atema renemshia jila aser yimtsüngtem ajak nung nübodoka mapa inyaktsü metetdaktsüogo.
Nisungi bener aruba lendong balala nokdangtsü atema ajaki shilem tajung agitsüla, ta ketdangsertemi metetdaktsü.
Peipei tesem nung nübodoka inyaktsü atema temetettsütem:
* Kilentzü aodak/culverts nokdanga aliba jangjateta tzü sadem-sadema ayimtsü aser tzümetsüng nokdangtsü atema item tesem merüktettsüla.
* Kilentzü aodak kilem nungi tzü indangindanga yimokba agientsüla.
* Motzü atsüngdena aliba atsüteta indoktsüla.
* Kilentzü aodak jana-ona indoktsüla.
* Department ajaki pei ket nung aliba kiojen kümzüka alitsü atema inyaktsüla aser peipei DDMAs ajanga shilem tajung agitsüla.
* Department of Rural Development-i VDBs ajanga yimtsüngtem nung nübodoka inyaktsü atema ayongdena ketdangsüa inyaktsüla.
* Coordination aser logistic contingency expenditure atema Home Department-i DDMAs nem sen lakh 1 lemzüktsütsü, aser parnoki hopta ka tsüngda peipei district nung nübodoka inyakba osang den külemi APRs agütsütsüla.