Dimapur nungi Chandu Agarwal-i Honorary Doctorate angu

Dimapur, April 25 (TYO): April 06, 2019 nü Hotel Hindustan International, Kolkata nung sentong ka ayongzüka National Virtual University for Peace & Education-i Dimapur nung shishilembar aser social worker, Chandu Kumar Agarwal nem Social Welfare & Peoples Concern atema Honorary Doctorate agütsü, ta osang ka ajanga metetdaktsü.
Tesüiba küm aika Dimapur nung Chandu Agarwal-i makamaitertem ajungkettsütsü aser loktiliba tajungba akümtsü atema inyaka arudar.
Pai loktiliba ajungkettsütsü atema mapa tajung inyakba reprangteta Nagaland sorkaria pa nem Governors Commendation Certificate agütsü aser yimjung ajungkettsütsü atema inyakba asoshi pai Rotary National Peace Award-a agizükogo.
Tang pa ya Indian Red Cross Society, Dimapur nung patron aser aser Chairman lir aser Dimapur Chamber of Commerce & Industry nunga secretary inyaker.