Kohima nung traffic indang seminar agi

Kohima, Rongchii/April 25 (TYO): Brihostibarnü Kohima Traffic Police-i ayongzüka Phoolbari aser High School Junction, Kohima (moapu) nung taxi aser bus anishirtem den traffic rules & regulations indang field seminar ka agiogo, ta PRO DEF Kohima sangdong ka nung metetdaktsü.
Dy. SP (Traffic), Manom Wallim aser UBI. L. Mhathung Patton, OC North Traffic control & North Traffic Control nungi personnel nati sensitization sentongji agia, traffic ozüngtem aser telatetbatem meteta aliba ajanga Kohima nung traffic tebilemtsü ajemtsü aser gari anir o lenmang nung senzür naprong kümzüktsü, ta metetdaktsü.
Dy. SP (Traffic)-i, traffic ozüngtem alema inyakra temerenshi agüja senchi achitsü akok mesüra tepoukdak-a ayutsü, ta ashi.
Dy. SP (Traffic)-isa taxi aser bus anishirtem dang Supreme Court-i tuyuba ama gari aina tanak mamshitsü, bull bars, high beam LED lights aser horn tulu mamshitsü metetdaktsü.
Paisa Kohima nung traffic tebilemtsü pungbatsü atema Kohima Traffic Police-i mera balala agia inyakba indang metetdaktsü.