“Jallianwalla Bagh Massacre” jilushi ka sayu

Dimapur, Rongchii/April 26 (TYO): Christian Higher Secondary School, Dimapur nung April 26, 2019 Hokolbarnü Hill Theatre-i “Jallianwalla Bagh Massacre” otsü nung ajemdaker jilushi ka sayua liasü.
Iba project ya NEZCC (North East Zone Cultural Centre) aser Hill Theatre, Nagaland longjema sponsor süa liasü.
Sentong nung CHSS Principal, Moa Walling-i kaketshirtem dang Jallianwalla Bagh nung India nunger aika khasetba otsü tongmelang agi ashi aser iba jilushi sayutsü asoshi CHSS shimba atema Hill Theatre dang pelaba metetdakja liasü. CHSS covenant hall nung iba jilushi sayua liasü, kong kaketshir 1500 shi aruagi reprangogo. Iba jilushi tembanga National Anthem tena liasü.