Mon nung Election Photo osang

Mon, April 26 (TYO): Mon Deputy Commissioner & District Election Officer, Thavaseelan K, IAS-i taküm March 28 nü sangdonga Election Photo Contest agiba osang metetdaktsüogo.
Iba tetoktepba nung Matching Konyak-i mezüngbuba jenjang nung takok ngua senpet 5000/- agütsü, tanabuba aser tasembuba jenjang angurji Esther Konyak (senpet 3000) aser Ngonnyu Konyak (senpet 2000) na liasü. Senpetji ID card sayua Cashier, DC Office, Mon ket nungi agizüktsüla, ta kasa osang ajanga metetdaktsü.