DCC, Mokokchung-i Moatsü benjung ayonga amongtsü

Mokokchung, April 26 (TYO): District Congress Committee, Mokokchung-i Ao kin tongti benjung, Moatsü mong May 2, 2019 anepdang 10:00 ako nungi party office nung amongtsü, iba sülen Executive senden tatsüka mena Mokokchung district kübok ACCCs 10 nungi President ajaki Lok Sabha/bye election indang osangtem agüja ibaji asadangtsü, ta tanü DCC Mokokchung President, Watimongba Aier aser Gebneral Secretary (Admn), P Aley nati sangdong ka nung metetdaktsü.
Iba dak sendakba nung 10 ACCCs nungi Presidents aser Secretaries ajak, NPCC züngsemtem, taoba mapang MLA tem, Mahila office ketdangpurtem, DCC Advisors, DVC office ketdangpurtem, Seva Dal/Kisan Cell office ketdangpurtem aser DCC ketdangpur ajak dang iba sentong nung medema adentsü metetdaktsür, ta kasa sangdong nung shia lir.