PM Modi-i Varanasi nung nomination file süogo

New Delhi/Varanasi, Rongchii/April 26 (Agencies): Yashi Ato kilonser, Narendra Modi-i Uttar Pradesh kübok Varanasi nung roadshow agiba sülen tanü pai Varanasi Lok Sabha menden nungi tokteptsü atema nomination file süogo; tanü pa den Union Ministers- Rajnath Singh aser Nitin Gadkari na den BJP National Tir, Amit Shah densema liasü.
Varanasi Lok Sabha menden nung Modi-i Congress nungi candidate, Ajay Rai aser Samajwadi Party nungi Shalini Yadav na den tokteptsü.
2014 küm kasa menden nung Aam Aadmi Party tongti, Arvind Kejriwal-ia toktepa liasü.
2014 küm Lok Sabha election nunga Narendra Modi-i Varanasi menden nungi toktepa takok angu.
2014 küm Varanasi menden nung Ajay Rai-i vote 75,000 dang ngua tasembuba jenjang dang liasü. AAP lenir, Arvind Kejriwal-i tanabuba jenjang nung vote lakh 2 angu aser Ato kilonser Modi-ibo vote lakh 5.8 tashi ngua liasü.
Varanasi menden nung opposition teloktep- Samajwadi Party aser BSP natia Shalini Yadav toktepdaktsütsü.