Nirlama Sitharaman SCO Defence Ministers senden nung dendar

New Delhi, Rongchii/April 29 (Agencies): Amongnü India Union Defence Minister, Nirmala Sitharaman Kyrgyzstan yimti, Bishkek tonga oa liasü aser tanü Shanghai Cooperation Organisation (SCO) defence ministers senden nung lai regional security onüktem nung India tangatetbatem lemsatepa liasü.
Minister Sitharaman-i, India-i broader Eurasian region den partnership jenjang tajungba kümnüba indang lemsatepa liasü.
Iba senden nung India, Russia, China aser Pakistan lninüktemi region nung security tebilemtsü onüktem jembidar, ta defence ketdangsertemi metetdaktsü.
Tanü Sitharaman-i China Defence Minister, General Wei Fenghe dena jurila senden ka amen. Lai iba linük anogo asemnü atema semdanger.
SCO Defence Ministers senden nungsa züngsem linüktem tsüngda defence & security nung amalitepa inyaktsü atema jembitsü.
India-i SCO aser Regional Anti-Terrorism Structure (RATS) den taliba amalitepa inyaktsü jangrar.
Senden nungsa Afghan tensa, kiralongra anema raratsü, kiralongra atema senotsü lenmang nokdangtsü aser SCO tsüngda shishilembaba tashi itshitsü atema jembitsü.
2018 küm mezüng India-i SCO Defence Ministers senden nung shilem agia aden.
2018 küm mezüng India-i SCO defence exercises nung shilem agi. Joint exercise ya Chebarkul, Chelyabinsk nung Central Military Commission of Russia-i ketdangsüa agia liasü.