Manipur CM nem Show-Cause Notice agütsü

Imphal, April 29 (Agencies): Inner Manipur parliamentary constituency nung Returning Officer (RO)-i Manipur Chief Minister N Biren Singh nem ano show cause notice ka agütsüogo.
Election mapang nübortemi sen meshia agiang ta Biren Singh-i jembibaji Model Code of Conduct (MCC) alema lir ta RO-i ashi.
Manipur CM-isa Congress candidate O Nabakishore Singh tenüng menükja jembiba atema April 16, 2019 nü kasa notice ka agüja lir.
RO Naorem Praveen-i Manipur CM indang secretary Salam Ranjan dang April 29, 2019 nikongtsütsü 4:00 ako tashi nung telangzüba ka agütsütsü atema tetuyuba agütsü.
Onük anaprongji Nabakishore-i benokba liasü. Inner Manipur parliamentary constituency nung pa ya Congress indang candidate lir.
Manipur nung Joint Chief Electoral Officer-i April 17, 2019 nü RO dang iba onük bushisüngdang asütsü aser Election Commission of India-i lateta aliba inyakyimtem kübok tapet teinyaktsü inyakang ta tetuyuba ka agüja liasü.