Guwahati nung Rs. 43 lakh alang hon apu

Guwahati, April 29 (Agencies): Deobarnü Government Railway Police (GRP)-i Guwahati railway station nung hon seret 1 tema apu.
Iba dak sendakba nung parnoki Harish Mahmood apu.
Mahmood ya Kamrup Express nung mena liasü aser osettem mita aodang pa ket nung honji apu, ta Superintendent of Railway Police (SRP) HK Das-i ashi.
Pai bena aliba honji seret 1.3 shi ka liasü aser sen lakh 43 alang liasü, ta pai ashi.
Mahmood ya Kerala kübok Kannur nung alir aser pai honji West Bengal-i bener aodang len tom nung apu.
“Pa ya Nagaland kübok Dimapur nungi Kolkata-i aoerba liasü. Pa den külemi honji to customs department ket nung agütsüogo aser parnoki maneni bushisüngdang asütsü” ta osang ajanga ashi.