Naga political groups ajaki ceasefire tenangzüktep agiogo

Kohima, April 29 (Agencies): April 16, 2019 nü NSCN/GPRN (Khango)-i India sorkar den ceasefire tenangzüktep agiba ajanga Naga telungpur telok ajaki tiptema alitsüsa tensa ka bentsür aruogo.
Ceasefire Monitoring Group (CFMG) aser Ceasefire Supervisory Board (CFSB) chairman Lt Gen (Retd) Shokin Chauhan-i ashiba agi, “Nagaland nung alirtem asoshi ground rules mapa shitak inyaktsübaji kanga tongtipang lir.”
Ceasefire alitsü nangzüktepba ajanga Naga political group(s) aser Indian Armed Forces ground rules kübok inyaksangshia arur, ta paisa ashi.
“NPGs-i Nagaland sasep nung mapa meinyaker saka item tenangzükba ya Nagaland state atema dang lir. Küm shia April ita ceasefire ground rules metembangdang senden ka ayonga amener” ta Chauhan-isa ashi.
Ceasefire ground rules kübok teloktemi amakba, mita aoba, kiojen aser civilians nem timtem agütsüba, tanga telungpur teloktem yariba, tashiyim agi sen saruba, züngsem tasen aniokba aser osettsüset talila aliokba inyaksangshi ajak noktanger.
Iba denji külemi telungpur nem identification cards agütsür aser designated camps lemzüktsür. Designated camps telongtet kilometer 1 telungi Armed forces-i aotsü memelar. Tang NSCN-IM indang camp 9; NSCN-K indang camp 3, NSCN-R indang camp 2 lir aser NSCN (Khango) designated camp ano magütsü lir, ta Chauhan-isa metetdaktsü.
“December 30, 2018 nungi ita trok atema Nagaland ya “disturbed area” ka ta sangoktsüogo. Ajisüaka, Nagaland ya kanga dang tiptema aliba state ka lir anungji kodaser disturbed area ta ashitsü?” ta paisa ashi.
Nagaland state süngjema aliba atema pai tawa election tiptema agiba tatishitsü amshi.
Civilian temi telok balala nem peii mulungba tenla agütsür aser tashiyim agi sen saruba onük ka danga benoka mali, ta CFMG Chairman-isa ashi.
Civilian kari telungpur telok tenüng amer tashiyim agi sen sarua senzüba atema Chauhan-isa ashiba agi “NPGs nungi züngsem tamajungtem agientsü atema ni parnok den jembitepdar.”