NSCN/GPRN (Reformation)-i sangdonger

Dimapur, Rongchii/April 30 (TYO): NSCN/GPRN (Reformation), MIP ajanga Ghoshito yimtsüng nungi Toshevi Kibami’er jabaso Tovito Kibami (Rajapeyu) mapa nungi anentsüba metetdaktsür.
Tovito-i, temaba nungi ketdangser temelaba magi pa jenjang aser office amshia ozüng alema saru saruba putetogo aser iba ajanga tangar nem timtem agütsüogo.
Pa inyaksangshi ya inyakyim anema lir aser NSCN (R)-i taoba mapang, tai makaba nüburtem mezüngmeshiba aser temelaba magütsüi saru saruba amala inyakyim aser NSCN (R) tenüng menüktsüba maparen khenyongi magizüktsü ta sangdonger aliba den meputeper.
NSCN (R)-isa nüburtem dang tang mapa nungi anentsür alisang ya joko NSCN (R) Government den kecha sendaka mali, ta metetdaktsüogo.