10m Air Rifle nung Apurvi Chandela World No.1 kümogo

New Delhi, Monupii/Mau 1 (Agencies): International Shooting Sport Federation (ISSF)-i tawa sayaba rangking nung Apurvi Chandela-i la indang shooting career nung jenjang tasen ka ajangteta 10m Air Rifle asaya nung World No. 1 kümogo.
Chandela-i Taküm küm tetenzüklen New Delhi Shooting World Cup nung 10m Air Rifle asaya nung gold medal nguogo aser tang iba asaya nung temaba jenjang tongtetogo.
Chandela sülen tanabuba jenjang nung Anjum Moudgil lir, shibai anogo ishika tejakdang tembangba ISSF World Cup tarep temeyoktep asaya nung gold medal ngua liasü.
Tena dak alia Manu Bhaker-a 25m Pistol tetsür category nung world No.10 tongtetogo.
Teburtem rongnung Divyansh Singh Panwar 10m Air Rifle category nung world No.4 kümogo.
Divyansh-i, 10m Air Rifle Men aser 10m Air Rifle Mixed Team event nung gold medal ngua liasü aser 2020 Tokyo Olympics atema quota ngutetogo.
Abhishek Verma, shibai Beijing nung gold medal nguogo pa 10m Air Pistol category nung jenjang asembuba nung lir. Maneni India nunger asayar Saurabh Chaudhary jenjang 6buba nung lir.
Ano India nungersa Anish Bhanwala 25m Rapid Fire Pistol category nung jenjang 10buba nung lir.