Forlic Cup asaya osang

Dimapur, Monupii/May 1 (TYO): 6buba Forlic Cup quarter final asaya tasembuba Amigos FC aser Kohima Eagles na asayaa liasü. Asaya mezüngbuba shilem Amigos puri amokbanger asaya aser parnok rongnungi Limabai goal ka aser Chaba-i goal ana idakja goal 3-0 nung asaya mezüngbuba shilem tembang.
Ajisüak asaya tanabuba shilem nung Eagles puri kanga junga asaya aser parnoki asaya amokbanger asayaa liasü. Parnok rongnungi Khewetelhi Thopi aser Keneinguze Pienyu nati goal kaka idaktsü saka tasembuba goal magütsüteti asaya goal 3-2 nung tembanga Amigos puri asaya akok.
4buba quarter final asaya Sirhima Youth and Students Union aser Thunderbolt FC na asayaa liasü. Asaya nung telok anapronglai goal idaktsütsü merangba aser kanga junga defend asüba nguogo. Telok ana tsüngda kanga toktepa asayaa arur minute 26buba nung Aben-i Thunderbolt pur atema mezüngbuba goal idaktsü.
Asaya tanabuba shilem nung SYSU puri goal idaktsütsü asoshi kanga meranga asaya saka Thunderbolt puri kanga junga nokdang. Iba sülen Thunderbolt pur atema Kito-i mapang apuloktsür asayaba mapang tanabuba goal idakja parnoki asaya goal 2-0 agi akok.
May 2 nü Semi Final asaya yamai alitsü:
1buba Semi Final : 01:00 PM
Greenhill Club Versus Young Challenger FC
2buba Semi Final : 03:00 PM
Fury FC Versus Vision Holder Alato