May 4 nü Kiphire headquater nung nübotoka mapa inyaktsü

Kiphire, May 01 (TYO): Kiphire DC, M. Shayung Phom, NCS-i sangdong ka ajanga, Nagaland CM-i tuyuba ama May 4 nü Kiphire district Administration-i ayongzüka anepdang 7:00 ako nungi 12:00 ako tashi nübotoka mapa inyaktsü, ta metetaktsü.
DC-isa sorkar office balala nung tekolakpurtem dang peipei office temeket merüktettsü metetdaktsü. DC-isa nüburtem dang kilentzü aodak merüktettsü, plastic jana junga bendener indoktsü metetdaktsüogo.
DC-isa ketdangsertem dang staff tem tenüng ajatsü aser office nem osang metetdaktsütsü tuyu.
DC-i office balala nung tekolakpurtem dang Kiphire jila dumping site merüktettsü atema department shia nungi staff asemsem (3) shimmer May 4 anepdang 7:00 ako nung DC office-i yoktsü metetdaktsü.