Mokokchung D.C-i metetdaktsür

Mokokchung, May 1 (TYO): Nagaland ajunga nung May 4, 2019 nü koba state wide mass social work ayongzüka lir, iba denji metsükteptsü atema May 3, 2019 nü anepdang 6:00 ako nungi office kilem aser quarters-tem merüka amungtsü.
Anungji, Mokokchung town kübok aliba head of departments/offices/institutions-temi pei staff-tem nem mapa nunglokja iba mapaji takok ngua inyaktsü asoshi Mokokchung Deputy Commissioner, Rajesh IAS-i sangdong ka ajanga mepishia metetdaktsüogo.