DNSU-i tatidang nung takok angurtem tenüng asang

Dimapur, Monupii/May 2 (TYO): Dimapur Naga Students’ Union (DNSU)-i, 2019 HSLC & HSSLC tatidang nung takok angurtem nem tenüngsang agütsüogo.
DNSU Vice President, Sentimeren Pongen aser Education & Statistics Secretary Tenyebinlo Himb nati sangdong ka ajanga, Dimapur district kübok aliba topper tem dang parnok indang Marksheet photocopy ka den tawa tangokba passport photo ka takaratiba nung DNSU office (Fire Brigade anasa) nung agütsütsü metetdktsüogo.
Maneni kaketshir lokti tentet ajanga kaketshir shirnoki taküm tatidang nung takok mongutet parnok dang tezü medangi tarutsü nung takok tajung asoshi meranga inyaktsü ajungshi. Osang tejangjaba agitsü atema Secretary Education & Statistics Tenyebinlo Himb (8415070616 – 9436074387) den tongteprateptettsü, ta kasa sangdong ajanga metetdaktsü.