Shillong nung Tribal Health & Wellness Centre lapok

Shillong, May 3 (Agencies): Brihostibarnü Shillong nung Tribal Health and Wellness Centre ka lapok.
Iba Centre dang “Mebaai Tribal Health and Wellness Centre (Indigenous Holistic Therapies and Kerala Massage)” ajar aser Health Minister, AL Hek lia teintet rogo Serina Wahlang-i lapoktsü.
Vasudeva Vilasam, Kerala den yariteba iba centre lapoker aser iba nung Ayurveda taneptsü aser Khasi massage angutsü.
Iba centre ajanga Ayurveda aser Khasi traditional healing systems sendakteptsü ta Hek-i o jembidang ashi.
Iba centre ya Meghalaya state atema tajangzük angutsü kechiyong iba nung medicinal herbs & plants 3,000 dak tema lir.