Eastern Air Command-i helicopter 15 renema lir

Guwahati, May 3 (Agencies): Shillong nung Eastern Air Command (EAC)-i cyclone Fani atema helicopter 15 amshitsü renema lir.
Eastern Air Command atema otongdar kati ashiba agi “light helicopter 6 tashi rescue work atema, relief material belentsü atema medium lift helicopter 5 aser relief material, medical help o NDRF teams belentsü atema AN 32 aircraft 4 renema lir.”
“Odisha aser West Bengal nung mapang shitak nung yariteptsü atema Bagdogra aser Purnea nung helicopter temji yua lir” ta paisa ashi.
“Külen, Tripura, Mizoram, Manipur aser Nagaland state tem atema Silchar nung aliba Kumbhigram nung medium lift helicopter tem yua lir. Maparenji Air Marshal Sandeep Singh, SASO HQ EAC-i ketdangsüa repranger” ta EAC otongdarisa shisem.