‘Community Mobilization & Training ‘ sentong akatsü

Dimapur, Monupii/May 14 (TYO): School Education department-i ‘Community Mobilization & Training ‘ dak sendakba nung District Personnel State Level sensitization sentong ka May 15 nü Capital Convention Centre, Kohima nung ayongzüka akatsü, kong Chief Secretary aser Nagaland Education Mission Society mendenbuba, Temjen Toy, IAS-i, SMCs/SMDCs tinyaktsü aser khuret dak sendakba nung video ka sayatsü aser School Education & SCERT, Principal Secretary Menukhol John-i okila jembitsü.
Sentong nung shilem agitsü atema anepdang 9:30 ako nungi tenzüka tenüng züngoksemtsü aser 10:00 ako nungi sentong lapokba sentong agitsü. Iba sülen technical session agitsü, kong shisalen agütsür JMD, RMSA, Dr. Kevizakie Rio aser Nuchiyi Lohe nati SMC/SMDC inyakyim aser khuret aser Account Maintenance, Record Keeping & Shagunotsav onüktem nung ajemdaker jembitsü, ta ketdangser sangdong ka ajanga metetdaktsü.