Nagalang nung CWSN assessment Camp akatsü

Dimapur, Monupii/May 14 (TYO): Arishi küm 6 nungi 18 tsüngda alir tanur shirok teyari balaka nüngdaker (children with special needs) parnok asoshi districts 10 nung May 16 nungi 22 tashi assessment camp akatsü. Iba sentong ya Sarva Shiksha Abhiyan/Samagra Shiksha, Nagaland Education Mission Society, Nagaland den Department of Health and Family Welfare, Star Key New Delhi aser Nagaland Research Rehabilitation Centre (NRRC) Dimapur, Department of Social Welfare puri sentepa ayongzükogo.

CWSN shirnok teyari aser Appliance tem nüngdaker parnok dang temalen agüja aliba anogo aser tesem nung assessment camp tem nung arua adentsü mepeshir. Tenarong agi mangashiba tanurtem nem iba tesem nung Hearing Aids agütsütsü. Matamabensartem nem assessment camp tembangba sülen Samagra Shiksha kübok assistive devices tem agütsütsü, ta ketdangser sangdong ka ajanga metetdaktsü.