District 5 nung yipru ajanga teraksa bentsür aru

Dimapur, May 14 (TYO): May 13, 2019 nü Nagaland kübok Dimapur, Kiphire, Phek, Wokha aser Tuensang district tem nung yipru süidang teraksa bentsür arutsü, ta Nagaland State Disaster Management Authority (NSDMA)-i metetdaktsü.
NSDMA-i district telemsa nung teraksa bentsür aruba osang yamai metetdaktsü.
1. Dimapur District- Rilan, Ward 8 (Chumu), Chekiye, Senjum, Molvom, Kupuhe, Vihoku, Thaheku, Badumpukhri nung shishilembadak aser school ka densema ki 15 tashi raksa.
2. Kiphire District: Kiphire jila den Longmatra town, Longmatra village, Okhe village, Longthonger village nung ki 180 aser school 3 raksa. Iba district nung nisung ka kanga mejungi yiru aser ana terara yiru aser power line raksaba ano meyanglutet lir.
3. Phek District: Iba district nung ki ka raksa aser iba atema teyari agütsüogo.
4.Wokha District: Chudi, Moilan, Lotsu aser Sanis town nung ki 20 raksa.
5. Tuensang district: Chessore nung ki 32 raksa.
Teraksa anguba atema tang nüngdakba teyaritem agütsüogo aser maneni ketdangsertemi osang metetpeladar. DDMAs nung unit ajak lendongtsüdong nung yariteptsü atema renema lir, ajisüaka alima lendongtsüdong ataloktsü meteta mali nung line departments, NGOs aser sendaktepa alirtem ajak jeretpera aser renema alitsü metetdaktsür, Commissioner & Secretary, Rovilato Mor, IAS-i metetdaktsü.